زهرة الرومان

ولكموووووووووووووو
اهلا و سهلا بزائرنا الكريم يشرفنا تسجيلك و انظمامك الينا و الى اسرتنا
شاكرين لك مرورك و تشريفك
زهرة الرومان

منتدى عام


    هند و تركي

    شاطر
    avatar
    yony
    الوسام الفضي
    الوسام الفضي

    عدد المساهمات : 696
    السٌّمعَة : -1
    تاريخ التسجيل : 13/09/2010

    هند و تركي

    مُساهمة من طرف yony في الجمعة يناير 07, 2011 7:51 am

    قصة هند وتركي.. قصه واقعيه. هند فتاه تبلغ من العمر20سنه باول سنه بالجامعه. تحب هند الروحات والجيات والخرجات، دائم كل ربوع وخميس تعزم بنات خالها في اي مطعم. يروحون وينبسطون، هند لاتجد سعادتها إلا مع القروب بنات خالها وخواتها.اتصلت هند على بنات خالها عشان يتجهزون للخرجه. كان يوم خميس. طلعو القروب ولازم اول مكان يروحون له هوشارع التحليه"له ذكريات حلوه هالشارع"وهم في شارع التحليه مايخلون احد إلا ويستهبلون عليه، وعاد تعرفون حال الشباب بذاك الشارع.كل واحد ينافس الثاني ويقول انا اشطرمنك انا اللي ابي ارقمهم.وهند تناظرفالشباب ولا احد عاجبها وتستهبل عليهم بعد.وتقول للبنات شوفوا ذا كيف طالع شكله يخرع هههههه وفجأه جات سياره فيها3شباب يناظرون في سيارة البنات اللي الكل يطاردها.جات نظرات هند بنظرات الشاب اللي جمبهم في السياره،ابتسم الشاب لهند وابتسمت له هند. وحط الرقم واخذته هند(مالي عينها وعاجبها)وكانت هند متحمسه تتصل عليه وبعد مافلوها ورجعو للبيت.هند ماتبي تنام لين تكلم ذاك الشباب. اتصلت عليه
    هند:آلو
    الشاب:هلا..مين؟
    هند:انا اللي رقمتني بالتحليه
    الشاب:هلا وغلا (مبسوط)
    2..هند طيحت الميانه وصارو يضحكون وكأنهم يعرفون بعض من زمان،هند سألته عن اسمه.قال تركي هند: تركي انت ليه رقمتنا؟عندي فضول اعرف .
    ت : والله انتوا مسوين زحمه وكل الشباب يطاردونكم وعليكم زحمه وقلت ابي اشوف كيف اشكال البنات ويوم شفتكم طلعتوبنات حلوين وقمر..من اول مكالمه عرفت هند عن تركي اشياء كثيره عنه.. وانبسطت لما عرفت انه هلالي ويموت فالهلال وقال لها تركي انه شخص رياضي يحب يمارس كرة القدم.. وعرفت انه طيوب ومرح(هذا اللي لاحضته باول مكالمه) هند كانت بالنسبه لتركي غامضه جدآ ماعرف عنها باول مكالمه إلا اسمها فقط. مماجعل تركي عنده فضول عشان يكتشف هند اكثر.استمرت مكالماتهم،صارتركي يكلم هند وهي بالجامعه وإذا رجعت واذا صحت من النوم وسهره مطوووله آخر الليل،، هند ادمنت على سوالف تركي ومزحه وكان يحبب القصص وكل يوم يقولهاقصه وكل قصه لها قصيده،،وصار يشرح لها كل بيت فالقصيده إلي ان تنتهي القصه..هند عجبتهاقصص تركي وقالت له: وايد حلوه القصص انت من فين تجيبهم؟
    تركي:انا دائم اجلس مع جدي..وجدي يحب القصص اللي لها قصائد ويشرحهالي . اعجبت هند باسلوب تركي وميوله الادبيه نحو القصص والاشعار رغم إن تخصصه بالجامعه
    رغم ان تخصصه بالجامعه إدارة اعمال. هند تسأل تركي عن كل شئ بحياته،دراسته واهله،واصدقائه،وسفرياته،وعن الاشياء اللي يحبها ويكرها" هند من النوع الفضولي تحب إذا جلست مع احد تكتشفه من كل النواحي وهذا اللي لاحظوه صديقاتها. اتصل تركي ذات يوم على هند وكان مسافر للشرقيه ويبي يرجع لجده.
    تركي:انا الحين ماسك خط راجع لجده
    هند:إنتبه على روحك ولا تسرع
    تركي:تصدقين عاد تو الحين اتصل ابوي علي وقال لي:متى راجع؟ وقلت له بعد يومين وماقلت له اني ماسك خط الحين
    هند:وليه؟حرام عليك تكذب على ابوك.. تركي:اش اسوي إذا قلت له بيزعجني بالاتصالات في الطريق هاه وينك؟ولاتسرع من هالكلام"لان اخوي اللي اكبرمني توفى بحادث سياره(هند عندها رغبه تعرف كيف اخو تركي توفي ودها تعرف تفاصيل هذا الحدث.. لانهالاحظت تركي دائم يتكلم في اخوه اللي اتوفى وواضح عليه انه متأثر مره بوفاته.. هند ماتبي تذكره بأخوه وهوراجع من السفر.. وبعد يوم من رجوع تركي من السفر..كلم تركي هند
    تركي:هند تصدقين لما دخلت البيت ابوي اتفاجأ اني جيت وقال: انت مو تقول لي بعد يومين وقلت له: والله طفشت وقلت ارجع احسن( ابوي صاير يدقق على روحاتي وجياتي ويقول ان..( ابوي صاير يدقق على روحاتي وجياتي ويقول انتبه!ولاتسرع. عشان كذا احب إذا سافرت اسافر بطياره هند:تركي بقولك شي بس منحرجه منك
    تابــــــــــــــــــــع
    avatar
    yony
    الوسام الفضي
    الوسام الفضي

    عدد المساهمات : 696
    السٌّمعَة : -1
    تاريخ التسجيل : 13/09/2010

    رد: هند و تركي

    مُساهمة من طرف yony في الجمعة يناير 07, 2011 7:52 am


    تركي: قولي عادي ليه تنحرجين؟
    هند:بصراحه انت دائم تتكلم في اخوك اللي اتوفى،انا ابي اعرف تفاصيل يوم وفاته بس اخاف اذكرك باحزانك تركي:لاعادي..طبعا صار يحكي لهند ويقول تفاصيل الحادث وهند تسمع ومتأثره..كان حادث مؤلم يقطع القلب وقال لها كيف كان شعوره اول ماسمع بوفاة اخوه..والايام اللي دخلها فالمستشفى بعد وفاته!وكيف عانى ؟ وكيف صارت حياته بعد اخوه..هند سألت تركي كم صارله من يوم توفى تركي:صارله خمس سنوات(هند تفاجأت كلام تركي عن اخوه وتأثره كأنه توفى قبل اسبوع، عرفت هند انه متمسك مره بأخوه وانه يتألم لحد الان وانه مو قادر ينساه او ينسى يوم وفاته.عبر عن مشاعره واحاسيه المؤلمه~وبدأ صوت تركي يختفي حتى خنقته العبره! وسكت ماقدر يعبر اكثر من كذا
    هند:انا اسفه ياتركي ذكرتك بأخوك..اسفه اعذرني
    تركي:لاعادي.. مافيها شي
    هند:خلاص اخليك تنام وترتاح وموعدنا فالصباح(قفلت هند قبل لاتنهار باكيه قدام تركي تأثرت كثير بوفاة اخو تركي..تفاصيل الحادث لاتغادرها لحظه.. وصوت تركي وهو خانقتة العبره عورت قلبها تمنت هند ان تكون بتلك اللحظه بجانب تركي،هند ماجاها النوم بعد ماقفلت من تركي فكتبت هند خاطره تحاكي بها تركي..
    تضحكلي!!
    وانا ادري كلك هموم تجاملني!!
    ماتبيني اعرف عن اوجاعك
    لكن هذا طبعي دائم احس فيك
    رغم فقدانك اعز ناسك ماقد بكيت ولا شكيت.. تعال وقلبي يوفي لك وابد مايخون..
    avatar
    yony
    الوسام الفضي
    الوسام الفضي

    عدد المساهمات : 696
    السٌّمعَة : -1
    تاريخ التسجيل : 13/09/2010

    رد: هند و تركي

    مُساهمة من طرف yony في الجمعة يناير 07, 2011 7:53 am


    كفايه دنياك قست عليك فأنا ليش اقسأ.! هند عرفت ان الشخص اللي يمزح ويضحك ويسولف وينكت،انه مخبي بداخله جرح!ومو اي جرح! جرح عميق من اعماق قلبه.هند حنت ع تركي وحست انه محتاجها لتواسيه وتنسيه همومه من بعد ماعرفت عن وفاة اخوه وهي مستحيل تزعل تركي اوتجرحه..مرت الايام والشهوروصارت هند ماتنام لين تسمع صوت تركي!وتركي ماينام لين يسمع صوت هند..حست ان تركي غيرعن كل اللي عرفتهم ولاحضت ان فيه التزام شوي سألت هند تركي مره عن فتاة احلامه، رد عليهاتركي: تخاف الله فيني وفالبيت (كبرتركي بنظر هند لانه متميزباشياءكثيره) صارت هند تتكلم كثير في تركي عند اختها اللي اصغرمنها.شهد. لاحظت شهد على هند انهادائم تسولف عنه.. وانهاطولت علاقة هند بتركي..لان من عادتها هند ان تكون علاقتها شهروتنتهي.بس مع تركي غير!قالت مره لتركي
    هند:تركي انا ابي علاقتي تستمر معاك تركي:ليه تبينها تستمر هند:ماادري..شعور يجيني
    تركي:هنداوعدك ما اغيب"عبرلهاتركي عن احساسه تجاههاوقال لها:انا ارتحت لك، ومبسوط معاك،وهند من داخلهانفس الشعور.و نفس السعاده تحس بها (هند وعدت نفسها انها ماتخون تركي وصارت ماتكلم إلاهو،،وقطعت كل العلاقات اللي كانت تعرفها..بدأ اهتمام تركي بهند يزيد يسألها كثيرعن دراستها وعن اختباراتها..اتصل تركي ع هند بيوم جمعه هند:تركي انابكره ماني رايحه للجامعه
    تركي:ليه؟؟
    هند:توني راجعه من بيت خالتي وسهرانه ومالي خلق اروح
    تركي:ومحاظراتك؟ هند:بكره اول غياب لي فالمحاظرات اللي عندي(سمح تركي لهند بغيابهاعن الجامعه. بشرط لاتسهريوم الجمعه برا البيت) شعور رائع بداخل هند واحاسيس غريبه تجاهه "اتصل ذات يوم تركي ع هند وماردت كانت نايمه فارسل لها رساله يقول فيها "اتصلت عليك ومارديتي شكلك نايمه..كنت ابي اقولك3اشياء وماكنت ابي اطول عليك1، معليش ماكلمتك امس انشغلت بالدراسه 2، دائم انتي على بالي 3، اشتقت لك
    تابـــــــــــع
    avatar
    yony
    الوسام الفضي
    الوسام الفضي

    عدد المساهمات : 696
    السٌّمعَة : -1
    تاريخ التسجيل : 13/09/2010

    رد: هند و تركي

    مُساهمة من طرف yony في الجمعة يناير 07, 2011 7:55 am

    صحت هند من النوم على صوت نغمة الرساله فتحت هند الرساله وقرتها..حست بشعور حزين لماقرت الرساله. وصارت تقرا الرساله والدموع على خدها! لاتعرف سر هالدموع ولاتدري ليه بكت؟ بس اللي تعرفه انها ماتقدر تتحكم بمشاعرها وعواطفها،وصارت تشعر باندفاع عواطفها تجاه تركي..اصبحت تنتظراتصال تركي بفارغ الصبر..وإذاغاب لويوم تحس انه غاب شهر.(تركي دائم ينشغل مع ابوه..وابوه يعتمد عليه في اعمال المكتب،ومايعرف اسرار شغله إلاتركي..غاب تركي اسبوع عن هند لانشغاله مع ابوه. فارسلت له رساله تقول "اسبوع مرولاوصل منك مرسال..ياقو قلبك كيف تقطعني اسبوع.؟ الجوع كافروانت ماترحم الحال..وانا عليك من الوله ميت جوع ياللي غيابك صعب يطري عالبال..تركتني ضايق وحاير ومفجوع. وبعد اسبوع اتصل تركي ع هند..وعاتبته كثيرعلى غيابه. فشر حلها تركي انه كان مشغول مره مع الوالد وانه طول هالاسبوع ما ارتاح من الشغل قالت له هند:تركي ان اصرت اغار من ابوك..لانه اخذك مني
    تركي:ههههه تطمني خلاص بعد هاليوم لا ابوي ولاغيره ياخذك مني
    هند:بكره الخميس انا رايحه لجده مع خواتي "هند ساكنه بمكه"
    تركي:والله..اناودي اشوفك ..ماشفتك إلا وقت الترقيم
    (هند حست نفسها مشتاقه ودهاتشوفه، وافقت هند..ولاول مره لان كل الشباب اللي كانت تعرفهم..مكالمات فقط وتسليه،ولاعمرها عبرت احد وقالت ابي اشوفك.!واي احد يجيب طارئ الشوفه..تقفل السماعه بوجهه!جاء يوم الخميس وصارت هند تتجهزوتتكشخ من العصر رغم انهم موطالعين إلا العشاء.. هند تحس بتوتر وخجل وماهي مصدقه انها تبي تشوف تركي.. طلعت هند مع خواتها الثنتين واخوهم الصغير والوحيد وصلوا جده وراحولمطعم يتعشون فيه..اتصلت هند ع تركي وقالت انهافالمطعم مع خواتها
    هند:اسمع تراك بتشوفني من بعيد اخوي الصغيرمعنا
    تركي:اوكي مافي مشكله..اشوفك لومن بعيد(تركي قال لهند انه جاي بالطريق) هند بالها مشغول. وخواتها يتعشون وهي مااكلت ولاشي تنتضر تركي اتصل عليها تركي
    تركي:هند اناعند باب المطعم
    هند:اوكي الحين اطلع طلعت هند ومعها شهد وتركي واقف عند الباب(اتصلت هند ع تركي
    هند:تركي شوفني قدام سيارتك
    تركي:اسمعي ابي انزل من السياره بعطيك شي"نزل تركي وهند واقفه وتناظرفيه وهو يمشي والخجل واضح في وجهه..جاء تركي وقف عند هند وابتسم لها ومد ايده وسلم واعطاها هديه. حست هند ان كل هالناس والسيارات والاصوات اختفوا.. ومافي الاهي وتركي "هند جذبتها ابتسامة تركي الساحره، ونظراته اللي ماشالها من عيون هند.. ودعت تركي ورجعت للمطعم وهي مبسوطه وهي جالسه مع خواتها. ارسل لهاتركي رساله يقول فيها"اول ما توصلين البيت كلميني ضروري" رجعت هند للبيت وكلمت تركي.. تركي مبسوط مره وهند اكثروطول المكالمه يتذكرون تفاصيل تلك اللحظه رغم انها ما تتجاورعشر دقائق(بس ماتتخيلون قد ايش انبسطوا فيها)هند داومت الجامعه يوم السبت والكل ملاحظ عليها انها فرحانه.وانهاغيرعن كل مره(كل ماشافتها وحده من الشله قالت:هند وش عندك اليوم كاشخه) هند ترد عليهم بابتسامه.. طبعاهند راحت لاقرب صديقاتها سحر..
    هند:سحر اقولك اش صاريوم الخميس؟
    سحر:اش صار
    هندقالت لسحرتفاصيل ذلك اليوم وعن شعورهابعد ماشافت تركي..وانه يوم تاريخي بالنسبه لها..لاينسى..سحرحست ان هند مندفعه كثير لتركي وانهامتعلقه فيه كثير سحرسألت هند: انتي تحبين تركي؟
    هند:تصدقين.ماادري! مره اقول احبه ومره اقول مجرد تعلق
    سحر:قد قلتي له انك متعلقه فيه؟تابـــــــــــــــــــــــــــــع
    avatar
    yony
    الوسام الفضي
    الوسام الفضي

    عدد المساهمات : 696
    السٌّمعَة : -1
    تاريخ التسجيل : 13/09/2010

    رد: هند و تركي

    مُساهمة من طرف yony في الجمعة يناير 07, 2011 8:00 am

    هند:مقدر اقوله اني متعلقه فيه!وحتى إذا حبيته مقدر اقوله اني احبه
    سحر:ليه؟(تسألها بتعجب)
    هند:مره سألت تركي عن الحب؟وش رايه فالحب؟ فقال:انا اشوف ان الحب الحقيقي بعد الزواج (تصدقين ياسحر لما قال هالكلام بايش حسيت؟
    سحر:بايش؟؟
    هند:حسيت اني تحطمت للآخر. وحسيت اني لو اعشقه بجنون مستحيل اقوله واحرج نفسي واحرجه معاي واني رح اكتم حبه بداخلي..ومستحيل اصرح بحبي"اصلا هو المفروض انه يحس موا نا اللي اقوله..انا دايم افقده واسأل عنه واهتم فيه.يعني هو اللي يفهم من تصرفاتي..رن جوال هند وبدون لاتناظر بجوالها عرفت انه تركي لانها مخصصت له نغمة"جوايا ليك" صار يرن جوال هند جوايا ليك احساس بيكبر كل يوم.. العين تنام والقلب عمره ماجاله نوم.. ردت هند:هلا والله
    رد عليها تركي: هلا وغلا(سأل تركي هند عن اخبارها واحوالها لان له يومين ماكلمها قالت له هند:تركي تركي:هلا
    هند:وحشتني
    تركي:.(صمت من طرف تركي) سولفو شوي وقفلت هند .. سحر صارت تناظر في هند نظرات غريبه قالت سحر:هند تصدقين توني عرفت انك من جد تحبينه هند:ليه؟اش معنى حكمتي الحين؟
    سحر:طريقة كلامك مع تركي،و الاغنيه اللي مخصصتها لتركي
    هند:ايو الله هالاغنيه من جد تعبر عن اللي بداخلي كثير.
    هند:سكتت والتفتت لسحر وقالت سحرانا مستغربه من شي
    سحر:اللي هو..؟
    هند:انا قلت لتركي وحشتني.ومارد تخيلي سكت ولاقال ولاشي (انا حاسه ان الصمت هذا وراه شي..تركي حيرني بصمته.. تركي فيه تغير شوي..احساس هند كان في مكانه.. تركي تغير عليها، وصار مايتصل عليها الا فاليوم مره وبعدين فالاسبوع3مرات..قلت اتصالاته..صارت هند تسهر بروحها..خوات هند لاحظوا انها ماصارت تدخل غرفتها وتكلم بالساعات لين الفجر.. هند تقتلها اسئلة اختها شهد:غريبه وينه تركي اشتاقت هند لتركي وكتبت له هذي الابيات: اشتاق لك.. ودائم على البال ذكراك..اشتاق لك بالدقائق والساعات .. ذبحني حيل كثرة تغليك..خلني اموت واحيافيك..حبيبي.. طلبتك لاتخليني..لاني دائم ابيك.. صار تركي مايتصل إلا اذا رسلت له هند رساله اتصالاته صارت نادره. واتصل مره عشان يقول لها"كل عام وانتي بخير"بمناسبة السنه الجديده..كان تركي اخرمن قاللها كل عام وانتي بخير. هند استغربت توقعت هواول من يتصل قبل كل الناس..هند انزعجت من هالشي صارت تروح للجامعه بدون نفس،وتجلس مع صديقاتها وهي متضايقه ومالها خلق لاحد..مر اسبوعين ولا اتصل تركي..يوم عن يوم يزيد قلق هند وتوترها..كل يوم تسأل نفسها..اش فيه؟وش صارله؟ اخاف يكون فيه شي؟ صارت هالاسئله تقتلها سحرهي الوحيده اللي منتبهه لهند وتدري ان تركي وراءالموضوع. سحرجات عند هند وردت السلام .

    تابــــــــــــــــــــــع
    avatar
    yony
    الوسام الفضي
    الوسام الفضي

    عدد المساهمات : 696
    السٌّمعَة : -1
    تاريخ التسجيل : 13/09/2010

    رد: هند و تركي

    مُساهمة من طرف yony في الجمعة يناير 07, 2011 8:02 am


    وجيت اسأل عن اخبارك واظن اني على بالك.. عسى ماشرماتسأل؟! وش اللي غير احوالك؟ وحشتني..
    ترى مهما جرى مني ومهما كنت اناالغلطان.. سؤالك عني مايمنع ولوقلبك علي زعلان.. وحشتني..
    رغم بعدك وتقصيرك ورغم انك معي قاطع.. تزعلني واجي لرضاك واحبك وارضى بالواقع. انسحاب تركي من حياة هند كان صدمه بالنسبه لها.وانصدمت اكثرلان تركي هواللي صد وابتعد..هند دائم تقتلها هالاسئله..كيف قدر يعيش ايامه بدوني؟ كيف قدريسهرليله بدوني؟من اللي غيره علي؟وليه تغيرفجأه وبدون سبب؟تعبت نفسية هند خلال ايام الاختبارات، وتعبت اكثرلهبوط دراجاتها ومعدلها.عرفت هند انهارح تتعب كثير بسبب فراق تركي.. كانت هند جالسه بيوم بروحهاوسمعت اغنية محتاجك لماجد( محتاجك~محتاجك~ محتاج اشوف عيونك محتاجك~محتاج اشم من هدومك..محتاج اشوفك ياضوى عيوني..قلبي وروحي عنك يسألوني..مثلي تبكي لوبكيت..مثلي تسهرلوغفيت.. شلون انام الليل من دونك؟ وشلون اغفى من دونك؟(وحده تركي اللي جاء فبالها.. هو اللي شاغل تفكيرها هواللي يعيش بداخل قلبهالا احد يزاحمه غرامها..تنهارهند باكيه..بكت لفراق غاليها..بكت لحبها الغايب..بكت لتعذيب الشوق لها..لا احد بجانب هند..ولا احد يدري عن هم هند.. ولااحد يحس بمعاناة هند..كتبت هند في هذه اللحظه خاطره تقول فيها(رحت وتركتني وصرت مثل اليتيم..انتظرمن يواسيني ويمسح دمعة العين..رحت ومدري وش سبب غيبتك ياكامل الزين.. عسى الزمن مثل ما اخذك مني يرجعك.. استسلمت هند للقدر، وعرفت انه هوالمكتوب هند إذا عذبها الشوق تتأمل صوره وتقرا رسايله، كل شي صار يذكرهابتركي الاهل الصديقات الاغاني الجامعه وجده.. زارت هند جده فتذكرت تركي وكتبت هذي الخاطره.. جيت اليوم لديارك .. وزارني طيفك يالغالي..اناظرفي وجيه الناس،، امكن المح عيونك..كل الناس درو عن لهفتي وانت اخر انسان تدري.. (هذي اخرماكتبته هند لتركي) اين انت يامن سكن فؤادي واشغل تفكيري اين انت حبيبي واين ايامك ،اين انت ايها المغرور ايها القاسي نعم قسيت علي وانت لاتدري وجرحتني بغيابك ورحيلك من حياتي.. فياترى انا رحلت من قلبك او لا زلت انا اسكن بداخلك وادخل باحلامك واشغل وجدانك ..اين انت... كم اشتقت لكلامك وضحكاتك كم اشتقت اسهرليلي معك وكم اشتقت ان تحكي لي القصص قبل النوم كم اشتقت ان تعاملني مثل الطفله لانام باحضانك........ لقد تعبت من انتظارك وتعبت من ذكرياتك التي لا تغادرني لحظه.. تصدق رغم غيابك ورغم جفاف وصالك ورغم انقطاع اخبارك..لا زال لدي امل بانك سوف ترجعلي يومآ.. (مازال تركي غايب)

    avatar
    Admin
    Admin

    عدد المساهمات : 1332
    السٌّمعَة : 9
    تاريخ التسجيل : 30/07/2010
    العمر : 25

    رد: هند و تركي

    مُساهمة من طرف Admin في الأحد يناير 16, 2011 3:30 am


      الوقت/التاريخ الآن هو الخميس نوفمبر 23, 2017 8:53 pm