أحدث الصور
من طرف زهرة الرومان السبت نوفمبر 06, 2010 11:51 am[ندعوك للتسجيل في المنتدى أو التعريف بنفسك لمعاينة هذه الصورة]
وحشتيني
وحشتيني ...... وحشتيني
يا ساكنة في قلبي وفي عيني
يا عمري الجاي وسنيني
يا قمري وضي لعيوني
وحشتيني
يا زهرة الهوى الدافي
عيونك بحر ليل صافي
رميت قلعي ومجدافي
وقلت الموج يرسيني
وحشتيني
******************
وحشتيني
يا ملاكي وكل دنيايا
يا نجم عشقته في سمايا
يا روحي وعمري ومنايا
يا وهمي وعقلي وجنوني
وحشتيني
ذا قلبي دقته بإسمك
وحلمي رسمته كان رسمك
ياللي في جمالك وفي حسنك
عمر الحياة ما توريني
وحشتيني
***************
وحشتيني
بحبك أيوه مش خايف و
غيرك في عيني مش شايف
يا أحلى بسمة وشفايف
بكلمة منها تحييني
وحشتيني
عيونك في الهوى داري
وعايشك ليلي ونهاري
دا عشقك جنتي وناري
وحبك تاج على جبيني
وحشتيني
*************
وحشتيني
يا عمري يا كل أحلامي
وعايش بيكي أيامي
باهديك شوقي وسلامي
وأقول لو يوم تحسيني
وحشتيني
حاقوللك إيه وأعيد تاني
حاقولك برضه وحشاني
ياللي ف عيونك عنواني
وعايشة في كل تكويني
وحشتيني
